Святло роднай мовы

"Святло роднай мовы"

Ільняная і жытнёвая.

Сялянская.

Баравая ў казачнай красе.

Старажытнейшая,

Самая славянская.

Светлая, як травы ў расе.

Вобразная, вольная, пявучая

Мова беларуская мая!

                  П. Панчанка

На  тыдні роднай мовы "Тут мова беларуская, як музыка гучыць"  у  Старобінской гарпасялковой бібліятэцы прайшла  літаратурная кампазіцыя  "Святло роднай мовы", была арганізавана выстава "Сэрцам роднага слова краніся". У мерапрыемстве удзельнічалі як дарослыя, так і дзеці, якія чыталі вершы па - беларуску аб роднай мове.

     Мова – частка чалавечай культуры, гістарычнай спадчыны. Дзякуючы ёй, працягваюць жыць традыцыі. Мова абуджае цікавасць да пазнання свету, садзейнічае праяўленню павагі да нашага мінулага і служыць элементам аб’яднання людзей незалежна ад месца і часу іх пражывання. Сёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна родная мова. Менавіта на гэтай мове ён размаўляе з роднымі, сябрамі, знаёмымі. А для нас беларусаў гэта наша беларуская мова.